આભમાં ઊગેલ ચાંદલો, ને જીજાબાઇને આવ્યાં બાળ રે (2)
બાળુડાને માત હીંચોળે
ધણણણ ડુંગરા બોલે.
શિવાજીને નીંદરું ના’વે
માતા જીજાબાઇ ઝુલાવે.
ધણણણ ડુંગરા બોલે.
શિવાજીને નીંદરું ના’વે
માતા જીજાબાઇ ઝુલાવે.
પેટમાં પોઢીને સાંભળેલી બાળે રામ – લખમણની વાત(2)
માતાજીને મુખ જે દીથી,ઊડી એની ઊંઘ તે દીથી….
માતાજીને મુખ જે દીથી,ઊડી એની ઊંઘ તે દીથી….
શિવાજીને o
પોઢજો રે, મારાં બાળ ! પોઢી લેજો પેટ ભરીને આજ (2)કાલે કાળાં જુદ્ધ ખેલાશે :
સૂવાટાણું ક્યાંય ન રહેશે….
સૂવાટાણું ક્યાંય ન રહેશે….
શિવાજીને o
ધાવજો રે, મારાં પેટ ! ધાવી લેજો ખૂબ ધ્રપીને આજ (2)રહેશે નહીં, રણઘેલુડા !
ખાવા મૂઠી ધાનની વેળા…..
ખાવા મૂઠી ધાનની વેળા…..
શિવાજીને o
પ્હેરી – ઓઢી લેજો પાતળાં રે ! પીળાં-લાલ-પીરોજી ચીર(2)કાયા તારી લોહીમાં ન્હાશે :
ઢાંકણ તે દી ઢાલનું થાશે….
ઢાંકણ તે દી ઢાલનું થાશે….
શિવાજીને o
ઘૂઘરા, ધાવણી, પોપટ-લાકડી ફેરવી લેજો આજ (2)તે દી તારે હાથ રહેવાની
રાતી બંબોળ ભવાની….
રાતી બંબોળ ભવાની….
શિવાજીને o
લાલ કંકુ કેરા ચાંદલા ને ભાલે તાણજો કેસરાઆડ્ય (2)તે દી તો સિંદોરિયા થાપા
છાતી માથે ઝીલવા, બાપા !….
છાતી માથે ઝીલવા, બાપા !….
શિવાજીને o
આજ માતા ચોડે ચૂમીયું રે બાળા ! ઝીલજો બેવડ ગાલ(2)તે દી તારાં મોઢડાં માથે
ધૂંવાધાર તોપ મંડાશે…….
ધૂંવાધાર તોપ મંડાશે…….
શિવાજીને o
